മഞ്ചേരി: ഹര്‍ത്താലിനോടനുബന്ധിച്ച് മഞ്ചേരിയിലുണ്ടായ അക്രമ സംഭവങ്ങളില്‍ നാലുപേരെ കൂടി പൊലിസ് അറസ്റ്റു ചെയ്തു. ആനക്കയം പുള്ളിലങ്ങാടി മങ്കരത്തൊടി മുഹമ്മദ് റഫീഖ് (33), പയ്യനാട് തടപ്പറമ്പ് നെച്ചിക്കണ്ടന്‍ മുഹമ്മദ് ജുനൈദ് (23), കിഴക്കേതല സ്വദേശികളായ പെരുമ്പള്ളി മുഹമ്മദ് അനസ് (20), ചുങ്കത്ത് യൂസഫ് (21) എന്നിവരെയാണ് അറസ്റ്റു ചെയ്തത്.
പിടിയിലായവരില്‍ മൂന്നുപേരെ സ്റ്റേഷന്‍ ജാമ്യത്തില്‍ വിട്ടയച്ചു. മുഹമ്മദ് റഫീഖിനെ മഞ്ചേരി ജൂഡീഷ്യല്‍ ഫസ്റ്റ് ക്ലാസ് കോടതി പതിനാല് ദിവസത്തേക്ക് റിമാര്‍ഡ് ചെയ്തു. 25 പേരെയാണ് ഹര്‍ത്താല്‍ ദിനത്തില്‍ അറസ്റ്റ് ചെയ്തിരുന്നത്.
സംഭവത്തില്‍ അന്വേഷണം ശക്തമാക്കാനുള്ള ഉന്നത പൊലിസ് ഉദ്യോഗസ്ഥരുടെ നിര്‍ദേശത്തെ തുടര്‍ന്ന് മഞ്ചേരിയില്‍ നിരീക്ഷണം ഊര്‍ജിതമാക്കിയിട്ടുണ്ട്.