തിരുവനന്തപുരം: ജ്യോതിര്‍ഗമയ ഫൗണ്ടേഷന്റെ ശ്രേഷ്ഠ പുരസ്‌കാരങ്ങള്‍ പ്രഖ്യാപിച്ചു.
തിരുവനന്തപുരം ആസ്ഥാനമായി പ്രവര്‍ത്തിക്കുന്ന ജ്യോതിര്‍ഗമയ ഫൗണ്ടേഷന്റെ ശ്രേഷ്ഠ കര്‍മപുരസ്‌കാരം സി.പി.ഐ സംസ്ഥാന സെക്രട്ടറി കാനം രാജേന്ദ്രനാണ്.
ജ്യോതിര്‍ഗമയ ധന്വന്തരി പുരസ്‌കാരം പ്രശസ്ത ന്യൂറോ സര്‍ജനും അനന്തപുരി ഹോസ്പിറ്റല്‍ എം.ഡിയുമായ ഡോ.എ മാര്‍ത്താണ്ഡപിള്ളയും ശ്രേഷ്ഠ കാരുണ്യ പുരസ്‌കാരം ഡോ.എ.പി.ജെ അബ്ദുല്‍കലാം ഗ്ലോബല്‍ ഫൗണ്ടേഷന്‍ ചെയര്‍മാന്‍ ഡോ. ഷാഹുല്‍ ഹമീദും ശ്രേഷ്ഠ വ്യവസായി പുരസ്‌കാരം ഭീമാ ജുവലറി മാനേജിങ് ഡയരക്ടര്‍ എം.എസ് സുഹാസും കരസ്ഥമാക്കി. 22ന് നടക്കുന്ന സമ്മേളനത്തില്‍ പ്രതിപക്ഷ നേതാവ് രമേശ് ചെന്നിത്തല പുരസ്‌കാരങ്ങള്‍ സമ്മാനിക്കും.
നിര്‍ധനരായ യുവതീയുവാക്കളുടെ സമൂഹവിവാഹവും അന്നേദിവസം നടക്കുമെന്ന് ഭാരവാഹികള്‍ അറിയിച്ചു.