തിരൂര്‍: നിറമരുതൂര്‍ കാളാട്ടെ മുര്‍ഷിദുല്‍ ഉമ്മ സംഘം സംഘടിപ്പിക്കുന്ന ഏകദിന ഹജ്ജ് പഠന ക്യാംപ് ചൊവ്വാഴ്ച നിറമരുതൂര്‍ പഞ്ചാരമൂലയിലെ സിറ്റി പ്ലാസ ഓഡിറ്റോറിയത്തില്‍ നടക്കുമെന്ന് സംഘാടകര്‍ വാര്‍ത്താസമ്മേളനത്തില്‍ പറഞ്ഞു. രാവിലെ എട്ടു മുതല്‍ വൈകിട്ട് 5.30 വരെയാണ് ക്യാംപ്. സമസ്ത കേന്ദ്ര മുശാവറ അംഗം ശൈഖുന ഹാജി എ മരക്കാര്‍ ഫൈസി ഉദ്ഘാടനം ചെയ്യും.
സംസ്ഥാന ഹജ്ജ് കമ്മിറ്റി ചെയര്‍മാന്‍ തൊടിയൂര്‍ കുഞ്ഞിമുഹമ്മദ് മുസ്‌ലിയാര്‍ മുഖ്യാതിഥിയാകും. അഡ്വ: എന്‍ ഷംസുദ്ധീന്‍ എം.എല്‍.എ, ബക്കാ ചീഫ് അമീര്‍ സി.കെ അബ്ദുല്‍ബാരി മുസ്‌ലിയാര്‍, ബക്കാ അമീര്‍മാരായ സ്വലാഹുദ്ധീന്‍ ഫൈസി വെന്നിയൂര്‍, ശാഹുല്‍ ഹമീദ് ജമലുല്ലൈലി തങ്ങള്‍, ഹക്കീം ഫൈസി കാളാട്, ജാബിര്‍ അന്‍വരി, ശാഖിര്‍ ഫൈസി കാളാട്, മുഹമ്മദ് റഫീഖ് അന്‍വരി, ബക്കാ ചീഫ് കോര്‍ഡിനേറ്റര്‍ ഹാജി പി.കെ അബ്ദുല്‍ ഹമീദ് മൗലവി തുടങ്ങിയവര്‍ പങ്കെടുക്കും.
ക്യാംപില്‍ പങ്കെടുക്കുന്നവര്‍ക്ക് ഭക്ഷണവും സ്ത്രീകള്‍ക്ക് നമസ്‌കരിക്കാനുള്ള പ്രത്യേക സൗകര്യവുമുണ്ടാകും. വാര്‍ത്താസമ്മേളനത്തില്‍ പി.കെ അബ്ദുല്‍ ഹമീദ് മൗലവി, പി ഇബ്രാഹിം മുസ്‌ലിയാര്‍ പങ്കെടുത്തു.