ആലക്കോട്: മണക്കടവ് ടൗണില്‍ വര്‍ഗീയ വിദ്വേഷം പരത്തുന്ന പോസ്റ്റുകള്‍ പതിച്ച ആര്‍.എസ്.എസ് പ്രവര്‍ത്തകര്‍ അറസ്റ്റില്‍. മണക്കടവ് മണ്ഡല്‍ കാര്യവാഹക് തണ്ണിപ്പാറ തെക്കേതില്‍ ശ്രീഹരി(27), മുക്കടയിലെ ചന്ദ്രമംഗലത്ത് ഹരിപ്രസാദ്(25) എന്നിവരാണ് അറസ്റ്റിലായത്. യാതൊരുവിധ വര്‍ഗീയ സംഘര്‍ഷങ്ങളുമില്ലാത്ത പ്രദേശത്ത് കരുതിക്കൂട്ടി സംഘര്‍ഷം ഉണ്ടാക്കാനുള്ള ശ്രമമാണ് ആര്‍.എസ്.എസി ന്റെ ഭാഗത്ത് നിന്നുണ്ടായതെന്ന് കാണിച്ച് യൂത്ത് കോണ്‍ഗ്രസ് പ്രവര്‍ത്തകര്‍ ആലക്കോട് പൊലിസില്‍ പരാതി നല്‍കിയിരുന്നു. ആലക്കോട് സി.ഐ ഇ.പി സുരേശന്റെ നേതൃത്വത്തില്‍ നടത്തിയ അന്വേഷണത്തിലാണ് പോസ്റ്റര്‍ പതിച്ചവര്‍ പിടിയിലായത്. അറസ്റ്റു ചെയ്തവരെ പിന്നീട് ജാമ്യത്തില്‍ വിട്ടു.