ന്യൂഡല്‍ഹി: വിവാദ നിയമമായ അഫ്‌സ്പ മേഘാലയില്‍ നിന്നും പിന്‍വലിച്ചു. മേഘാലയിലെ 40 ശതമാനം പ്രദേശങ്ങളിലും 2017 സെപ്തംബര്‍ വരെ അഫ്‌സ്പ ഏര്‍പ്പെടുത്തിയിരുന്നു. സംസ്ഥാനവുമായി ബന്ധപ്പെട്ട് സ്ഥിതിഗതികള്‍ വിലയിരുത്തിയ ശേഷമാണ് അഫ്‌സ്പ പൂര്‍ണമായും പിന്‍വലിക്കുന്നതെന്ന് കേന്ദ്ര ആഭ്യന്തരമന്ത്രാലയം വ്യക്തമാക്കിയിട്ടുണ്ട്.

വടക്കു കിഴക്കന്‍ മേഖലകളില്‍ കഴിഞ്ഞ നാലു വര്‍ഷത്തിനിടെ സായുധകലാപങ്ങളില്‍ 63 ശതമാനം കുറവുവന്നതായി കേന്ദ്ര ആഭ്യന്തരമന്ത്രാലയം വ്യക്തമാക്കി. സാധാരണക്കാര്‍ കൊല്ലപ്പെട്ട സംഭവങ്ങള്‍ 83 ശതമാനം കുറഞ്ഞു. 1997 യുമായി താരതമ്യപ്പെടുത്തുമ്പോള്‍ സുരക്ഷാ സൈനികര്‍ കൊല്ലപ്പെടുന്ന സംഭവങ്ങളില്‍ 96 ശതമാനം കുറവാണ് വന്നത്.