കൊച്ചി: സിനിമാ നയ രൂപീകരണ സമിതിയില്‍ നിന്ന് ബി ഉണ്ണികൃഷ്ണനെ ഒഴിവാക്കണമെന്നാവശ്യപ്പെട്ട് ഹരജി. സംവിധായകന്‍ വിനയന്‍ ആണ് ഹരജിയുമായി ഹൈക്കോടതിയെ സമീപിച്ചത്. തൊഴില്‍ നിഷേധത്തിന് കോംപറ്റീഷന്‍ കമ്മീഷന്‍ പിഴയിട്ട വ്യക്തിയെ സമിതിയില്‍ ഉള്‍പ്പെടുത്തരുത് എന്നാണ് ഹരജിയില്‍ ആവശ്യപ്പെടുന്നത്. 

നയരൂപീകരണ സമിതിയില്‍ ഉണ്ണികൃഷ്ണന്റെ പേര് ഉള്‍പ്പെട്ടതില്‍ നേരത്തെതന്നെ വിനയന്‍ ഉള്‍പ്പെടെയുള്ളവര്‍ വിമര്‍ശനം ഉന്നയിച്ചിരുന്നു. തന്റെ പരാതിയില്‍ കോംപറ്റീഷന്‍ കമ്മീഷന്‍ ശിക്ഷിച്ചയാളാണു ബി.ഉണ്ണികൃഷ്ണനെന്നും നയരൂപീകരണ സമിതിയില്‍ അദ്ദേഹത്തെ ഉള്‍പ്പെടുത്തുന്നത് അതിന്റെ സാധുതയെ തന്നെ ഇല്ലാതാക്കുന്നതാണെന്നും വിനയന്‍ ഹരജിയില്‍ പറഞ്ഞു.

കോംപറ്റീഷന്‍ കമ്മീഷന്‍ തൊഴില്‍ നിഷേധത്തിനാണ് ഉണ്ണികൃഷ്ണന്‍ ഉള്‍പ്പെടെയുള്ളവര്‍ക്കെതിരെ നടപടിയെടുത്തതും പിഴ ചുമത്തിയതും. ഈ തൊഴില്‍ നിഷേധത്തെപ്പറ്റി ഹേമ കമ്മിറ്റി റിപ്പോര്‍ട്ടില്‍ പറയുന്നുണ്ട്. തൊഴില്‍ നിഷേധിക്കുന്ന പവര്‍ ഗ്രൂപ്പിന്റെ ഭാഗമാണു ബി. ഉണ്ണികൃഷ്ണന്‍ എന്നും വിനയന്‍ ഹരജിയില്‍ ്യക്തമാക്കുന്നു. ഹേമ കമ്മിറ്റി റിപ്പോര്‍ട്ടില്‍ ബി.ഉണ്ണികൃഷ്ണനെതിരെയും കണ്ടെത്തലുകളുണ്ടെന്ന് വിനയന്‍ പരാതിയില്‍ പറയുന്നു. ബി. ഉണ്ണികൃഷ്ണനെ നയരൂപീകരണ സമിതിയില്‍ ഉള്‍പ്പെടുത്തുന്നത് അനീതിയാണെന്നു ചൂണ്ടിക്കാട്ടി മുഖ്യമന്തിക്കു പരാതി നല്‍കിയെങ്കിലും യാതൊരുവിധ നടപടിയും എടുക്കാത്ത സാഹചര്യത്തിലാണു കോടതിയെ സമീപിക്കേണ്ടി വന്നതെന്നും ഹരജിയില്‍ പറയുന്നു.

"In a significant development, film director Vinayan has approached the High Court, seeking the removal of B Unnikrishnan from the Film Policy Committee. This move is likely to spark a debate on the governance and decision-making processes in the Malayalam film industry."