കൊല്ലം: ചടയമംഗലം അഡീഷണല്‍ ഐ.സി.ഡി.എസിന്റേയും ചിതറ പഞ്ചായത്തിന്റെയും ആഭിമുഖ്യത്തില്‍ അങ്കണവാടികളുടെ പഞ്ചായത്ത്തല പ്രവേശനോത്സവം നടന്നു.
മുല്ലക്കര രത്‌നാകരന്‍ എം.എല്‍.എ ഉദ്ഘാടനം ചെയ്തു. ചിതറ ഗ്രാമ പഞ്ചായത്ത് പ്രസിഡന്റ് സുജിത കൈലാസ് അധ്യക്ഷനായി. വിരമിച്ച വര്‍ക്കര്‍മാരെയും ഹെല്‍പ്പര്‍മാരെയും ആദരിക്കല്‍, സാക്ഷ്യപത്ര വിതരണം,  പൂര്‍വകാല വിദ്യാര്‍ത്ഥികളുടെ അനുഭവം പങ്കുവെയ്ക്കല്‍, സെമിനാര്‍, എക്‌സിബിഷന്‍, കുട്ടികളുടെ കലാ പരിപാടികള്‍ എന്നിവയും നടന്നു. വൈസ് പ്രസിഡന്റ് കലയപുരം സൈഫുദീന്‍, സഹകരണ ബാങ്ക് പ്രസിഡന്റ് കരകുളം ബാബു, ക്ഷേമകാര്യ സ്റ്റാന്‍ഡിംഗ് കമ്മിറ്റി ചെയര്‍മാന്‍ കോട്ടപ്പുറം ശശി, ഗ്രാമ പഞ്ചായത്ത് അംഗങ്ങള്‍, സി.ഡി.പി.ഒ സമീല, സൂപ്പര്‍വൈസര്‍മാരായ ബാസിമാ ബീഗം, ആതിര തുടങ്ങിയവര്‍ പ്രസംഗിച്ചു.