കാസര്‍കോട്: ദീനീ പ്രബോധകരായ മദ്‌റസ അധ്യാപകര്‍ വിദ്യാര്‍ഥികളുടെയും സമൂഹത്തിന്റെയും കാലോചിതമായ മാറ്റങ്ങള്‍ ഉള്‍ക്കൊണ്ടും പ്രവര്‍ത്തിക്കണമെന്ന് സമസ്ത ജില്ലാ ജനറല്‍ സെക്രട്ടറി യു.എം.അബ്ദുല്‍ റഹ്മാന്‍ മൗലവി. പരിശുദ്ധമായ ദീനീ വിജ്ഞാനങ്ങള്‍ അവര്‍ക്ക് വളരെ ആകര്‍ഷണീയവും സരളമായും ഇസ്‌ലാമിക തനിമയും ആദര്‍ശവും ചോരാതെ ആവശ്യമായ വിദ്യാഭ്യാസ മാറ്റങ്ങള്‍ അറിഞ്ഞു കൈകാര്യം ചെയ്യണമെന്നും അദ്ദേഹം പറഞ്ഞു.
എം.ഐ.സിയില്‍ ചട്ടഞ്ചാല്‍ റെയ്ഞ്ച് ജംഇയ്യത്തുല്‍ മുഅല്ലിമീന്‍ സമാപന യോഗം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.
റെയ്ഞ്ച് പ്രസിഡന്റ് റഫീഖ് ഫൈസി പാണ്ടിക്കണ്ടം അധ്യക്ഷനായി. മുദരിബ് അബ്ദുല്‍ കരീം ഖാസിമി മുഖ്യ പ്രഭാഷണം നടത്തി.സയ്യിദ് ഹുസൈന്‍ തങ്ങള്‍ മാസ്തിക്കുണ്ട് അബ്ബാസ് ഫൈസി ചേരൂര്‍, ഇഖ്ബാല്‍ മൗലവി എന്നിവര്‍ സംസാരിച്ചു.