കൊല്ലം: ആസ്തിവികസന ഫണ്ടില്‍ നിന്നും അനുവദിച്ച 4.66 കോടി രൂപയുടെ 14 പദ്ധതികള്‍ക്ക് നിര്‍മാണ അനുമതി ആയെന്ന് എം. നൗഷാദ് എം.എല്‍.എ അറിയിച്ചു.
കൊല്ലം കോര്‍പറേഷനിലെ കയ്യാലക്കല്‍ ഡിവിഷനില്‍ പെട്രോള്‍ പമ്പ് മുതല്‍ ചകിരിക്കട വരെയുള്ള റോഡ് പുനര്‍നിര്‍മിക്കാന്‍ 25ലക്ഷം രൂപ, അയത്തില്‍ ഡിവിഷനില്‍ എ.ആര്‍.എം ഓഡിറ്റോറിയം പുതുവയല്‍ ഓട ബലപ്പെടുത്തി കവറിംഗ് സ്ലാബിട്ട് സഞ്ചാരയോഗ്യമാക്കാന്‍ 75 ലക്ഷം രൂപ, ഭരണിക്കാവ് ഡിവിഷനിലെ മാടന്‍നട മുതല്‍ എ.കെ.ജി ജങ്ഷന്‍ വരെയുള്ള ഓട ബലപ്പെടുത്തി കവറിങ് സ്ലാബിട്ട് സഞ്ചാരയോഗ്യമാക്കാന്‍ 75 ലക്ഷം രൂപ, അമ്മന്‍നട സുബ്രഹ്മണ്യന്‍ കോവില്‍ പാട്ടത്തില്‍കാവ് മാടന്‍നട റോഡ് പുന:ര്‍നിര്‍മിക്കാന്‍ 50 ലക്ഷം രൂപ,
ഇരവിപുരം ഡിവിഷനിലെ കരിവയല്‍ കനാല്‍ കവറിങ്് സ്ലാബിട്ട് സഞ്ചാരയോഗ്യമാക്കാന്‍ 30 ലക്ഷം രൂപ, പട്ടത്താനം ഡിവിഷനില്‍ അക്കരതെക്കേമുക്ക് മുതല്‍ പോളയത്തോട് വരെയുള്ള ഓട പുനര്‍ നിര്‍മിക്കാന്‍ 25 ലക്ഷം രൂപ, പുന്തലത്താഴം ഡിവിഷനില്‍ മദാമ്മത്തോപ്പ് റെസിഡന്‍ഷ്യല്‍ ഏരിയയിലേക്കുള്ള റോഡിന്റെയും അനുബന്ധ ഫുട്പാത്തുകളുടെയും നിര്‍മാണത്തിന് 26.40 ലക്ഷം രൂപ, കിളികൊല്ലൂര്‍ രായാരുമുക്ക് രാമാനുജാ വിലാസം റോഡ് നിര്‍മാണത്തിന് 25 ലക്ഷം രൂപ, ടി.കെ.എം കോളജ് പുന്നേത്തു അയത്തില്‍ റോഡ് നിര്‍മാണത്തിന് 25 ലക്ഷം രൂപ,
പോളയത്തോട് വയലില്‍ തോപ്പില്‍ റോഡും ഓടയും നിര്‍മിക്കാന്‍ രണ്ടാംഘട്ടമായി 20 ലക്ഷം രൂപ, തെക്കേവിള ഡിവിഷനില്‍ പാങ്ങോട്ടു താഴത്തു വയല്‍ റോഡ് നിര്‍മാണത്തിന് 25 ലക്ഷം രൂപ, തെക്കേവിള ഡിവിഷനില്‍ കളരി ക്ഷേത്രം പഴഞ്ഞിയില്‍ റോഡ് നിര്‍മാണത്തിന് 25 ലക്ഷം രൂപ, മുണ്ടയ്ക്കല്‍ തുമ്പറയില്‍ ഓട നിര്‍മാണത്തിന് 20 ലക്ഷം രൂപ, ഉമയനല്ലൂര്‍ അലയന്‍സ് യൂത്ത് സെന്റര്‍ പട്ടരുമുക്ക് റോഡ് നിര്‍മാണത്തിന് 20 ലക്ഷം രൂപ എന്നിങ്ങനെ 14 പദ്ധതികള്‍ക്കാണ് നിര്‍മാണാനുമതി ലഭിച്ചത്.
നിര്‍മാണ പ്രവര്‍ത്തനങ്ങള്‍ ഉടന്‍ തുടങ്ങാന്‍ നടപടി സ്വീകരിക്കുമെന്ന് നൗഷാദ് പറഞ്ഞു.