കുറ്റിച്ചിറ: തെക്കേപ്പുറം ശബ്ദം, വേ ടു ഫലാഹ് എന്നീ കൂട്ടായ്മകളുടെ സംയുക്താഭിമുഖ്യത്തില്‍ നടപ്പാക്കുന്ന ലഹരിമുക്ത തെക്കേപ്പുറം പദ്ധതി ബോധവല്‍ക്കരണത്തിന് തുടക്കമായി.
സ്‌കൂള്‍തല ബോധവല്‍ക്കരണങ്ങള്‍ക്ക് മുഖദാര്‍ സിയസ്‌കോ ഐ.ടി.സിയില്‍ നടന്ന ചടങ്ങില്‍ ജില്ലാ എക്‌സൈസ് ഇന്‍സ്‌പെക്ടര്‍ എം.കെ ഗിരീഷ് തുടക്കം കുറിച്ചു. സിയസ്‌കോ യതീംഖാന വൈസ് ചെയര്‍മാന്‍ പി.വി അബ്ദുല്ലക്കോയ അധ്യക്ഷനായി.
ലഹരിവിരുദ്ധ സന്ദേശരേഖയുടെ വിതരണോദ്ഘാടനം ചെമ്മങ്ങാട് സബ് ഇന്‍സ്‌പെക്ടര്‍ സീത നിര്‍വഹിച്ചു. സിവില്‍ എക്‌സൈസ് ഓഫിസര്‍ സന്തോഷ് ചെറുവോട്ട് മുഖ്യപ്രഭാഷണം നടത്തി. സിയസ്‌കോ പ്രസിഡന്റ് പി.ടി മുഹമ്മദലി, ഐ.ടി.സി പ്രിന്‍സിപ്പല്‍ ബി. ജയപാലന്‍, സി.വി കാബില്‍ സംസാരിച്ചു. യതീംഖാന സെക്രട്ടറി പി.ടി മുസ്തഫ സ്വാഗതവും എ.വി സക്കീര്‍ ഹുസൈന്‍ നന്ദിയും പറഞ്ഞു.