കൊച്ചി: വരാപ്പുഴയില്‍ കസ്റ്റഡിയിലിരിക്കെ ശ്രീജിത്ത് എന്ന യുവാവ് മരിച്ച സംഭവത്തില്‍ സി.ഐ ഉള്‍പ്പെടെയുള്ളവരെ പ്രതിപ്പട്ടികയില്‍ ചേര്‍ക്കാന്‍ ക്രൈംബ്രാഞ്ച് നിയമോപദേശം തേടി. പറവൂര്‍ സി.ഐ ക്രിസ്പിന്‍ സാം, വരാപ്പുഴ സ്റ്റേഷനിലെ ഗ്രേഡ് എ.എസ്.ഐ സുധീര്‍, സീനിയര്‍ സി.പി.ഒ സന്തോഷ് ബേബി എന്നിവരെ പ്രതി ചേര്‍ക്കാനാണ് വിദഗ്ധരുടെ നിയമമോപദേശം തേടിയിരിക്കുന്നത്. ഉടന്‍തന്നെ ഇവരെ പ്രതിപ്പട്ടികയില്‍ ഉള്‍പ്പെടുത്തിയേക്കുമെന്നാണ് സൂചന. എറണാകുളം റൂറല്‍ എസ്.പിയായിരുന്ന എ.വി ജോര്‍ജ് എന്തെങ്കിലും വീഴ്ച വരുത്തിയിട്ടുണ്ടോയെന്നുള്ള കാര്യവും പരിശോധിച്ചേക്കും.