വിനോദ സഞ്ചാരിയായ വിദേശവനിതയെ പീഡിപ്പിച്ച തമിഴ്‌നാട് സ്വദേശിയായ യുവാവിനെ  കുമളി പൊലീസ് അറസ്റ്റ് ചെയ്തു. കോയമ്പത്തൂര്‍ സ്വദേശി പ്രേംകുമാറാണ് പിടിയിലായത്. ചെറായി, ആലപ്പുഴ, കുമളി എന്നിവിടങ്ങളില്‍വെച്ച് പീഡിപ്പിച്ചെന്നു കാട്ടി ചെക്ക് റിപ്പബ്ലിക്കന്‍ സ്വദേശിയായ യുവതിയാണ് പൊലീസില്‍ പരാതി നല്‍കിയത്.

സമൂഹ മാധ്യമത്തിലൂടെ പരിചയപ്പെട്ട ഇരുവരും കേരളത്തിലെ പലയിടങ്ങള്‍ സന്ദര്‍ശിച്ചിരുന്നു. ഇതിനിടെ യുവതിയുടെ കൈവശമുണ്ടായിരുന്ന പണം മോഷ്ടിച്ചതായും പരാതിയുണ്ട്. സംഭവത്തിനുശേഷം ഒളിവിലായിരുന്ന പ്രതിയെ കോയമ്പത്തൂരില്‍ നിന്നാണ് പൊലീസ് പിടികൂടിയത്. വിശദമായ ചോദ്യം ചെയ്യലിന് ശേഷം പ്രതിയെ കോടതിയില്‍ ഹാജരാക്കും.