ലക്‌നോ: ജൂനിയര്‍ പുരുഷ ഹോക്കി ലോകകപ്പ് ഇന്ത്യയില്‍ നടക്കും. ഡിസംബര്‍ എട്ടു മുതല്‍ 18 വരെ ലക്‌നോയാണ് ലോകകപ്പിനു ആതിഥേയത്വം വഹിക്കുന്നത്. അന്താരാഷ്ട്ര ഹോക്കി ഫെഡറേഷനാണ് ഇക്കാര്യം വ്യക്തമാക്കിയത്. 16 ടീമുകളാണ് ടൂര്‍ണമെന്റില്‍ മാറ്റുരയ്ക്കുന്നത്. നിലവിലെ ചാംപ്യന്‍മാരായ ജര്‍മനി, ആതിഥേയരായഇന്ത്യ, അര്‍ജന്റീന, ആസ്‌ത്രേലിയ, ഓസ്ട്രിയ, ബെല്‍ജിയം, കാനഡ, ഈജിപ്ത്, ഇംഗ്ലണ്ട്, ജപ്പാന്‍, കൊറിയ, ഹോളണ്ട്, ദക്ഷിണാഫ്രിക്ക, ന്യൂസിലന്‍ഡ്, പാകിസ്താന്‍, സ്‌പെയിന്‍ ടീമുകള്‍ മത്സരിക്കും.
ജൂനിയര്‍ വനിതാ ലോകകപ്പ് നവംബര്‍ 24 മുതല്‍ ഡിസംബര്‍ നാലു വരെ ചിലിയിലെ സാന്റിയാഗോയിലാണ് അരങ്ങേറുന്നത്. ഇന്ത്യന്‍ വനിതകള്‍ക്ക് ലോകകപ്പ് യോഗ്യത നേടാന്‍ സാധിച്ചിട്ടില്ല.