ചെങ്ങന്നൂര്‍: കേരള സ്റ്റേറ്റ് സിവില്‍ സര്‍വീസ് അക്കാദമിയുടെ കീഴില്‍ പ്രവര്‍ത്തിക്കുന്ന ഉപകേന്ദ്രത്തില്‍ പുതിയ ക്ലാസുകള്‍ ആരംഭിക്കുന്നു. ഹൈസ്‌കൂള്‍ വിദ്യാര്‍ഥികളുടെ സമഗ്രശേഷി വികസനം ലക്ഷ്യമിട്ടുകൊണ്ട് നടത്തുന്ന ടാലന്റ് ഡവലപ്പ്‌മെന്റ് കോഴ്‌സിലേക്കും ഭാവിയില്‍ സിവില്‍ സര്‍വീസ് പോലുള്ള ഉദ്യോഗം ലഭിക്കുന്നതിനായുള്ള സിവില്‍ സര്‍വീസ് ഫൗണ്ടേഷന്‍ കോഴ്‌സുകളുമാണ് ആരംഭിക്കുന്നത്. ഒരു വര്‍ഷം നീണ്ടുനില്‍ക്കുന്ന ഞായറാഴ്ചക്ലാസ് ഈ മാസം 12ന് തുടങ്ങും.
വിദ്യാര്‍ഥികളുടെ സര്‍വശേഷി വികസനം ലക്ഷ്യമിട്ടുകൊണ്ടുള്ള കോഴ്‌സില്‍ ഇംഗ്ലീഷ് ഭാഷാ പരിജ്ഞാനം, മലയാള ഭാഷാ പരിജ്ഞാനം, ആശയവിനിമയ പാടവം, വ്യക്തിത്വ വികസനം, മനോഭാവ വികസനം, ശാസ്ത്രപരിജ്ഞാനം, പൊതുവിജ്ഞാനം, ദൈനംദിന ജീവിതത്തിനുവേണ്ടിയുള്ള നിയമപരമായ അറിവ്, ആര്‍ട്‌സ് മാനവിക വിഷയങ്ങള്‍ തുടങ്ങിയവയാണ് കോഴ്‌സില്‍ ഉള്‍പ്പെടുത്തിയിട്ടുള്ളത്.
ചെങ്ങന്നൂര്‍ കെ.എസ്.ആര്‍.ടി.സി ബസ് സ്റ്റാന്‍ഡിനു സമീപമാണ് ക്ലാസ് നടത്തുന്നത്. ഫോണ്‍ 9447549959.