തിരുവനന്തപുരം: നെയ്യാറ്റിന്‍കര അവണാകുഴിയില്‍ നിയന്ത്രണം വിട്ട ജീപ്പ് ഇടിച്ച് മൂന്നുപേര്‍ മരിച്ചു. നിയന്ത്രണംവിട്ട ജീപ്പ്  ബൈക്കിലിടിച്ചശേഷം ഓട്ടോറിക്ഷയില്‍ ഇടിക്കുകയായിരുന്നു. ഒരാള്‍ക്ക് ഗുരുതരമായി പരുക്കേറ്റു.

ബൈക്ക് യാത്രികനും ഒാട്ടോയിലുണ്ടായിരുന്ന രണ്ടുപേരുമാണ് മരിച്ചത്. ഇന്നലെ രാത്രി 9  മണിയോടെയാണ് സംഭവം. മരിച്ചവരെ തിരിച്ചറിഞ്ഞിട്ടില്ല. ജീപ്പ് ഡ്രൈവര്‍ മദ്യപിച്ചിരുന്നതായി പൊലിസ് പറയുന്നു. മരിച്ച രണ്ടുപേരുടെ മൃതദേഹം നെയ്യാറ്റിന്‍കരയിലെ സ്വകാര്യ ആശുപത്രിയിലും ഒരാളുടെ മൃതദേഹം നെയ്യാറ്റിന്‍കര താലൂക്ക് ആശുപത്രിയിലേക്കും മാറ്റി. സംഭവമറിഞ്ഞ് സ്ഥലത്ത് തടിച്ചുകൂടിയ നാട്ടുകാര്‍ ജീപ്പ് കത്തിക്കാന്‍ ശ്രമിച്ചുവെങ്കിലും പൊലിസ് തടഞ്ഞു.