തിരൂരങ്ങാടി: ദാറുല്‍ ഹുദാ ഇസ്‌ലാമിക് യൂനിവേഴ്‌സിറ്റി പൂര്‍വവിദ്യാര്‍ഥി സുഹൈല്‍ ഹിദായ ഹുദവി കംബോഡിയയിലേക്കു തിരിച്ചു. കംബോഡിയന്‍ തലസ്ഥാനമായ നോംപെനിലെ സമാന്‍ യൂനിവേഴ്‌സിറ്റിയില്‍ നടക്കുന്ന അന്താരാഷ്ട്ര  അക്കാദമിക്  കോണ്‍ഫറന്‍സില്‍ അദ്ദേഹം പ്രബന്ധമവതരിപ്പിക്കും.
പതിനൊന്നു രാജ്യങ്ങളില്‍നിന്നായി അന്‍പതിലധികം ഗവേഷകര്‍ കോണ്‍ഫറന്‍സില്‍ പ്രബന്ധമവതരിപ്പിക്കും. ദാറുല്‍ ഹുദാ വൈസ്ചാന്‍സലര്‍ ഡോ. ബഹാഉദ്ദീന്‍ മുഹമ്മദ് നദ്‌വിയുടെയും സി.എച്ച് ഉമ്മുസലമയുടെയും പുത്രനായ സുഹൈല്‍ ഹുദവി, കാസര്‍കോട് മാലിക് ദീനാര്‍ ഇസ്‌ലാമിക് അക്കാദമി, ദാറുല്‍ ഹുദാ ഇസ്‌ലാമിക് യൂനിവേഴ്‌സിറ്റി എന്നിവിടങ്ങളില്‍ അധ്യാപകനായും സേവനമനുഷ്ഠിച്ചിരുന്നു.