മാവൂര്‍: കുറ്റിക്കാട്ടൂര്‍ ടൗണിലെ ഉണങ്ങിയ തണല്‍മരം അപകടഭീഷണിയുയര്‍ത്തുന്നു. ഏറെ ജനത്തിരക്കുള്ള കുറ്റിക്കാട്ടൂര്‍ ടൗണിന്റെ മധ്യഭാഗത്തെ അല്‍ അമാന ബില്‍ഡിങിന് മുന്‍വശത്താണ് ഉണങ്ങിയമരം സ്ഥിതിചെയ്യുന്നത്. ഇതിന്റെ അടിഭാഗം തീയിട്ട് കത്തിച്ച നിലയിലാണ്. ഏതുസമയവും നിലംപൊത്താവുന്ന മരം വിദ്യാര്‍ഥികളടക്കമുള്ളവര്‍ക്ക് ഭീഷണിയായതിനാല്‍ ഉടന്‍ വേണ്ട നടപടി സ്വീകരിക്കണമെന്ന ആവശ്യം ശക്തമായിട്ടുണ്ട്.