അടിമാലി: പ്രണയം നടിച്ച് 13 കാരിയായ ഒന്‍പതാംക്ലാസ് വിദ്യര്‍ഥിനിയെ പീഡിപ്പിച്ച സംഭവത്തില്‍ ഓട്ടോ ഡ്രൈവര്‍മാര്‍ അറസ്റ്റില്‍.
ആനച്ചാല്‍ ടൗണിലെ ഓട്ടോ ഡ്രൈവര്‍മാരായ ആനച്ചാല്‍ തട്ടാത്തിമുക്ക് കുഴിപ്പിളളില്‍ അനൂപ്(23), ഈട്ടിസിറ്റി തടത്തില്‍ സജിത്ത്(21) എന്നിവരെയണ് അടിമാലി സി.ഐ. ജെ. കുര്യാകോസിന്റെ നേത്യത്വത്തിലുളള പൊലിസ് സംഘം ആനച്ചലില്‍ നിന്ന് അറസ്റ്റ് ചെയ്തത്. ഇവരുടെ രണ്ട് ഒട്ടോകളും പൊലിസ് കസ്റ്റഡിയിലെടുത്തിട്ടുണ്ട്.
കഴിഞ്ഞ മെയ് 23,24 തീയതികളില്‍ പെണ്‍കുട്ടിയെ പൊന്മുടി അണകെട്ടിനോട് ചേര്‍ന്ന് വൈദ്യുതി വകുപ്പ് ഉപേക്ഷിച്ച ക്വര്‍ട്ടേഴ്‌സില്‍ എത്തിച്ച് പീഡിപ്പിച്ചെന്നാണ് കേസ്. പെണ്‍കുട്ടിയുടെ ബന്ധു ചിത്തിരപുരം ആശുപത്രിയില്‍ ചികിത്സയിലിരിക്കെ ഇവിടെവെച്ച് ഓട്ടോ ഡ്രൈവറായ അനൂപ് പെണ്‍കുട്ടിയെ പരിചയപ്പെട്ടു. പിന്നീട് അനൂപ് പ്രണയം നടിച്ച് വശത്താക്കി. ഇതിനിടെ സിം കാര്‍ഡ് പ്രതികള്‍ പെണ്‍കുട്ടിക്ക് നല്‍കിയിരുന്നു. തുടര്‍ന്ന്് പലയിടങ്ങളില്‍ കൊണ്ടുപോവുകയും പീഡിപ്പിക്കുകയും ചെയ്തു. പെണ്‍കുട്ടി അമ്മയോട് വിവരം പറഞ്ഞതിനെതുടര്‍ന്ന് രാജാക്കാട് പൊലിസില്‍ പരാതി നല്‍കുകയായിരുന്നു. തുടര്‍ന്ന് അടിമാലി സി.ഐയുടെ നേത്യത്വത്തില്‍ നടത്തിയ അന്വേഷണത്തിലാണ് അറസ്റ്റ്. എ.എസ്.ഐ. സി.വി.ഉലഹന്നാന്‍, സീനിയര്‍ സിവില്‍ പൊലിസ് ഓഫീസര്‍മാരായ സി.ആര്‍.സന്തോഷ്, സജി.എം.പോള്‍, എം.എം.ഷാജു എന്നിവരാണ് പ്രതികളെ പിടികൂടിയത്.