ഉപ്പള: മഞ്ചേശ്വരം താലൂക്ക് പരിധിയിലെ സര്‍ക്കാര്‍ ഓഫിസുകളില്‍ ജോലി ചെയ്യുന്ന ജീവനക്കാരില്‍ ഭൂരിഭാഗവും ജില്ലയ്ക്കു പുറത്തു നിന്നുള്ളവരായതിനാല്‍ അവരുടെ താമസ സൗകര്യത്തിനായി ക്വാര്‍ട്ടേഴ്‌സുകള്‍ അനുവദിക്കണമെന്ന് എസ്.ഇ.യു മഞ്ചേശ്വരം താലൂക്ക് സമ്മേളനം ആവശ്യപ്പെട്ടു.
താമസ സൗകര്യത്തിന്റെ അപര്യാപ്തത മൂലം പലരും അവധിയെടുക്കുന്നത് ഓഫിസുകളുടെ സുഗമമായ പ്രവര്‍ത്തനത്തെ ബാധിക്കുകയും നാടിന്റെ വികസനത്തെ പിറകോട്ടടിപ്പിക്കുകയും ചെയ്യുന്നുണ്ട്. പ്രദേശത്തിന്റെ പിന്നാക്കാവസ്ഥ പരിഗണിച്ച് ജീവനക്കാര്‍ക്ക് കുടുംബത്തോടൊപ്പം താമസിക്കുന്നതിന് ഉചിതമായ സൗകര്യം ഏര്‍പ്പെടുത്തുന്നത് ഇതിന് ഒരു പരിധി വരെ പരിഹാരമാകുമെന്ന് സമ്മേളനം വിലയിരുത്തി.
താലൂക്ക് പ്രസിഡന്റ് കെ.കെ ഇബ്രാഹിം അധ്യക്ഷനായി. സംസ്ഥാന വൈസ് പ്രസിഡന്റ് നാസര്‍ നങ്ങാരത്ത് ഉദ്ഘാടനം ചെയ്തു. ജില്ലാ പ്രസിഡന്റ് ഒ.എം ഷെഫീക്ക് മുഖ്യപ്രഭാഷണം നടത്തി. സ്റ്റേറ്റ് എക്‌സിക്യൂട്ടിവ് അംഗം ടി.കെ അന്‍വര്‍, അഷ്‌റഫലി ചേരങ്കൈ, ജനറല്‍ സെക്രട്ടറി ഷബീന്‍ ഫാരിസ്, അഷ്‌റഫ് കല്ലിങ്കാല്‍, അബ്ദുറഹ്മാന്‍ നെല്ലിക്കട്ട സംസാരിച്ചു.
ഭാരവാഹികളായി കെ.കെ ഇബ്രാഹിം (പ്രസിഡന്റ്), ഷബീന്‍ ഫാരിസ് (ജനറല്‍ സെക്രട്ടറി), അഷ്‌റഫ് കല്ലിങ്കാല്‍ (ട്രഷറര്‍), അബ്ദുല്‍ മജീദ് കൊപ്പള, പി. സമീര്‍ (വൈസ് പ്രസിഡന്റ്), ബഷീര്‍ മുഹമ്മദ്, സി. ബുഷ്‌റ (ജോ. സെക്രട്ടറി) തെരഞ്ഞെടുത്തു.