പേരാമ്പ്ര: വാല്യക്കോട് കനാല്‍ പാലത്തിനു സമീപം സാമൂഹ്യ വിരുദ്ധര്‍ കോഴി മാലിന്യങ്ങള്‍ തള്ളിയതിനെ തുടര്‍ന്ന് അസഹ്യമായ ദുര്‍ഗന്ധം ഉയരുന്നു. ഇതു മൂലം ആളുകള്‍ക്ക് വഴി നടക്കാന്‍ പോലുമാകാത്ത സ്ഥിതിയാണുള്ളത്. പകര്‍ച്ചവ്യാധികള്‍ പടര്‍ന്നു പിടിക്കുന്ന സമയത്ത് സ്‌കൂളിന് സമീപം മാലിന്യം തള്ളിയതില്‍ നവജീവന്‍ ഫൗണ്ടേഷന്‍ വാല്യക്കോട് പ്രതിഷേധിച്ചു. കുറ്റക്കാരെ കണ്ടെത്തി നടപടി സ്വീകരിക്കാന്‍ പ്രമേയത്തിലുടെ ആവശ്യപ്പെട്ടു. മുനീര്‍ എരവത്ത്, എം.ടി ബാലന്‍ മാസ്റ്റര്‍, വി.വി ദിനേശന്‍, കുഞ്ഞമ്മത് മിന, പി.കെ വിശ്വനാഥന്‍ സംസാരിച്ചു.