കോട്ടക്കല്‍: മഴ കനത്തതോടെ കോട്ടക്കല്‍ കാക്കത്തോട്ടില്‍ മാലിന്യംനിറയുന്നു. പ്ലാസ്റ്റിക് മാലിന്യം കൊണ്ടണ്ട് തടയണകള്‍ അടഞ്ഞ നിലയിലാണ്. മാലിന്യങ്ങള്‍ കൃഷിയിടത്തിലേക്ക് കയറുന്നത് കര്‍ഷകര്‍ക്കും ദുരിതമാവുന്നുണ്ട്.
കാക്കത്തോട് വൃത്തിയാക്കണമെന്നാവശ്യപ്പെട്ട് ഒട്ടേറെ തവണ നഗരസഭയെ സമീപിച്ചെങ്കിലും നടപടി സ്വീകരിച്ചില്ലെന്ന് പരിസ്ഥിതി പ്രവര്‍ത്തകര്‍ പറയുന്നു.
കോട്ടക്കല്‍ നഗരസഭ പ്രദേശത്തെ ഫഌറ്റുകളിലെയും വീടുകളിലേയും മാലിന്യങ്ങളാണ് കവറില്‍ കെട്ടി സാമൂഹ്യവിരുദ്ധര്‍ തോട്ടില്‍ തള്ളുന്നത്. തോടു ശുചീകരണപ്രവൃത്തികള്‍ ഉടന്‍ ആരംഭിക്കണമെന്നാവശ്യപ്പെട്ട് പ്രതിഷേധത്തിനൊരുങ്ങുകയാണ് പരിസ്ഥിതി പ്രവര്‍ത്തകര്‍.