ഒറ്റപ്പാലം: നഗരത്തില്‍ സംസ്ഥാനപാതയില്‍ സ്ഥാപിച്ചിട്ടുള്ള ഡിവൈഡറുകള്‍ അപകടം വിളിച്ചുവരുത്തുന്ന രീതിയില്‍. ഇന്നലെ വൈകിട്ട് നാലരയോടെ കോണ്‍ക്രീറ്റ് കാലില്‍ പരസ്പരം ബന്ധിപ്പിച്ച ഡിവൈഡറുകള്‍ പോലും റോഡിന്റെ മധ്യഭാഗത്തേക്ക് മറിഞ്ഞുവീണിരുന്നു. ഡിവൈഡര്‍ വീണ് ബൈക്ക് യാത്രക്കാരന് പരുക്കേല്‍ക്കുകയും ചെയ്തു. വാഹനങ്ങള്‍ക്ക് അപകടങ്ങള്‍ സംഭവിക്കാവുന്ന രീതിയിലായിരുന്നു ഡിവൈഡറുകളുടെ കിടപ്പ്.
ഇതേത്തുടര്‍ന്ന് വ്യാപാരിവ്യവസായി ഏകോപനസമിതിയംഗങ്ങള്‍ ഡിവൈഡറുകള്‍ താല്‍ക്കാലികമായി എടുത്തുമാറ്റുകയായിരുന്നു. അശാസ്ത്രീയമായി നഗരഹൃദയത്തില്‍ സ്ഥാപിച്ചിട്ടുള്ള ഡിവൈഡറുകള്‍ നീക്കംചെയ്യണമെന്ന് വ്യാപാരികളുള്‍പ്പെടെ വിവിധ സംഘടനകള്‍ ആവശ്യപ്പെട്ടിരുന്നു.