സന്നിധാനം: ശബരിമല ദര്‍ശനത്തിന് എത്തിയ ശ്രീലങ്കന്‍ സ്വദേശിയായ 47കാരി ശശികല ദര്‍ശനം നടത്താതെ മടങ്ങി. പൊലിസിന്റെ അനുമതിയോടെയാണ് ശശികല ഏഴ്മണിക്ക് മലകയറാന്‍ തുടങ്ങിയത്. പിന്നീട് ദര്‍ശനം നടത്താതെ അവര്‍തിരിച്ചിറങ്ങി.

ശശികലയ്ക്ക് നേരെ മരക്കൂട്ടത്ത് പ്രതിഷേധമുണ്ടായെന്ന് പൊലിസ് പറയുന്നു. എന്നാല്‍ തീര്‍ത്ഥാടകരുടെ ഭാഗത്ത് നിന്ന് പ്രതിഷേധം ഉണ്ടായില്ലെന്നും പൊലിസ് നിര്‍ബന്ധിച്ച് മടക്കി അയക്കുകയായിരുന്നെന്നുമാണ് പമ്പയില്‍ മടങ്ങിയെത്തിയ ശശികല മാധ്യമങ്ങളോട് പറഞ്ഞത്.

വ്രതം നോറ്റാണ് എത്തിയത്. ഗര്‍ഭാശയം നീക്കം ചെയ്തിട്ടുണ്ടെന്നും ശശികല വ്യക്തമാക്കി. ശശികലയുടെ ഭര്‍ത്താവും മകനും ദര്‍ശനം നടത്തി.