കൊഴിഞ്ഞമ്പാറ: നെല്ലിമേട് തത്തമംഗലം പ്രധാനപാതയില്‍ ഇടവേള ക്കുശേഷം വീണ്ടും ഇറച്ചിക്കോഴി കടത്തുവാഹനങ്ങള്‍ മരണപ്പാച്ചില്‍ തുടങ്ങി. മാസങ്ങള്‍ക്കുമുമ്പ് തമിഴ്‌നാട്ടില്‍നിന്നും കൊണ്ടുവരുന്ന ഇറച്ചിക്കോഴികള്‍ക്ക് നിയമപ്രകാരമുള്ള ബില്‍ അടച്ചിപ്പിരുന്നു. ഇതുമൂലം വാഹനങ്ങള്‍ നിയന്ത്രിത വേഗതയിലായിരുന്നു ഓടിച്ചിരുന്നത്. നികുതി അടച്ചുവരുന്നതോടെ ഇറച്ചിക്കോഴി കിലോയ്ക്ക് നൂറിലേറെ രൂപ വില വര്‍ധിച്ചു.വിലകൂടിയതോടെ ഇറച്ചിക്കോഴി ഉപയോഗവും വില്‍പനയും ഗണ്യമായി കുറഞ്ഞതു മനസിലാക്കിയാണ് കച്ചവടക്കാര്‍ ഇറച്ചിക്കോഴി കള്ളക്കടത്ത് വീണ്ടും തുടങ്ങിയിരിക്കുന്നത്. നികുതിവകുപ്പു ജീവനക്കാര്‍ വാഹനങ്ങള്‍ പിടികൂടാതിരിക്കാനാണ് മരണപ്പാച്ചില്‍ നടത്തുന്നത്. ഇത്തരത്തിലുണ്ടായ വാഹനാപകടങ്ങളില്‍ മൂപ്പതോളംപേര്‍ക്കു ഗുരുതരമായി പരിക്കേറ്റിട്ടുണ്ട്.പ്രഭാതസമയങ്ങളില്‍ വ്യായാമം നടത്തുന്നവരാണ് ഏറെയും അപകടത്തില്‍പെടുന്നത്.
മുന്നില്‍ പോകുന്ന വാഹനത്തെ മറികടക്കുന്നതിനിടെ എതിരേ വരുന്ന വാഹനങ്ങളില്‍ ഇടിച്ചാണ് പലപ്പോഴും അപകടമുണ്ടാകുന്നത്. കോഴിക്കടത്ത് വാഹനങ്ങളുടെ മരണപ്പാച്ചിലും തുടര്‍ന്നുണ്ടാകുന്ന അപകടങ്ങളും ഒഴിവാക്കാന്‍ ജില്ലാ 'രണകൂടം കര്‍ശനനടപടി സ്വീകരിക്കണമെന്ന് ആവശ്യപ്പെട്ട് നാട്ടുകാര്‍ സംസ്ഥാനപാത കന്നിമാരിയില്‍ റോഡ് ഉപരോധിച്ചിരുന്നു. ഇതേതുടര്‍ന്ന് കുറച്ചുമാസം വഴിമാറി സഞ്ചരിച്ചിരുന്ന കോഴിക്കടത്ത് വാഹനങ്ങളാണ് ഇപ്പോള്‍ മീനാക്ഷിപുരം വണ്ടിത്താവളം പാതയില്‍ വീണ്ടും മരണപ്പാച്ചില്‍ തുടങ്ങിയിരിക്കുന്നത്.