ബംഗളുരു: നടുറോഡില്‍ ബൈക്കിലെത്തിയ അജ്ഞാതന്‍ എയര്‍ ഹോസ്റ്റസിനെ ലൈംഗികമായി കയ്യേറ്റം ചെയ്തു. നോര്‍ത്ത് ഈസ്റ്റ് ബംഗളുരുവില്‍ ഫെബ്രുവരി 12നാണ് സംഭവം.

രാത്രി പത്ത് മണിയോടെ ഭക്ഷണം കഴിച്ച് സുഹൃത്തിനൊപ്പം മടങ്ങുകയായിരുന്ന എയര്‍ ഹോസ്റ്റിസിനെയാണ് ബൈക്കില്‍ വന്നയാള്‍ ആക്രമിക്കുകയും വസ്ത്രം വലിച്ചുകീറുകയുമായിരുന്നു. ഇയാള്‍ മുഖം മറയ്ക്കുകയും ഹെല്‍മറ്റ് ധരിക്കുകയും ചെയ്തിരുന്നതായി യുവതി പരാതിയില്‍ പറയുന്നു. യുവതി ബഹളമുണ്ടാക്കിയപ്പോള്‍ ഇയാള്‍ രക്ഷപ്പെടുകയായിരുന്നു.

സംഭവം നടന്ന് രണ്ട് ദിവസത്തിന് ശേഷമാണ് യുവതി പരാതി നല്‍കിയത്. പൊലിസ് കേസ് രജിസ്റ്റര്‍ ചെയ്ത് അന്വേഷണം ആരംഭിച്ചു.