തൃശൂര്‍: തൃശൂര്‍ ശക്തന്‍ നഗറിലെ പട്ടാളം മാര്‍ക്കറ്റില്‍ തീപിടിത്തം. അ!ഞ്ച് കടകള്‍ പൂര്‍ണമായി കത്തി നശിച്ചു. മറ്റുള്ള കടകളിലേക്ക് തീപടര്‍ന്നുകൊണ്ടിരിക്കുകയാണ്. ഉച്ചയ്ക്ക് മൂന്നുമണിയ്ക്ക് ശേഷമാണ് തീ പടര്‍ന്നത്.

പഴയ വാഹന ഭാഗങ്ങള്‍ വില്‍ക്കുന്ന കടകളിലാണ് ആദ്യം തീപിടിച്ചത്. ഫയര്‍ഫോഴ്‌സിന്റെ നാലു യൂണിറ്റ് തീണയയ്ക്കാനുളള ഊര്‍ജിത ശ്രമത്തിലാണ്. കാറ്റ് ശക്തമായതിനാല്‍ തീയണയ്ക്കാനായിട്ടില്ല.

പഴയ വാഹനങ്ങള്‍ക്കാവശ്യമായ ഭാഗങ്ങള്‍ വില്‍ക്കുന്ന 120ഓളം കടകളാണ് മാര്‍ക്കറ്റിലുളളത്.