ആദൂര്‍: രേഖകളില്ലാതെ കര്‍ണാടകയില്‍ നിന്നും ഊടു വഴിയിലൂടെ ടിപ്പര്‍ ലോറികളില്‍ കടത്തുകയായിരുന്ന മണലുമായ് രണ്ടു പേര്‍ അറസ്റ്റില്‍. കര്‍ണാടക കബക്ക സ്വദേശി അബുബക്കര്‍ (50) കുറ്റിക്കോല്‍ സ്വദേശി പ്രദോശ്(25) എന്നിവരാണ് ആദൂര്‍ പൊലിസിന്റെ പിടിയിലായത്. ആദൂര്‍ ചെക്ക് പോസ്റ്റും പൊലിസ് സ്റ്റേഷനും വെട്ടിച്ച് കേരളാ കര്‍ണാടക അതിര്‍ത്തിയിലെ വനം വകുപ്പിന്റെ ഊടു വഴിയിലൂടെ മണല്‍ കടത്തുന്നുണ്ടെന്ന രഹസ്യ വിവരത്തെ തുടര്‍ന്ന് ആദൂര്‍ എസ്.ഐ എ സന്തോഷ് കുമാറിന്റെ നേതൃത്വത്തിലുള്ള പൊലിസ് ഈശ്വര മംഗലത്ത് വച്ചും ആദൂര്‍ സി.ഐ സിബി തോമസിന്റെ നേതൃത്വത്തിലുള്ള സംഘം എരിഞ്ഞിപുഴയില്‍ വെച്ചും ടിപ്പര്‍ ലോറിയില്‍ കടത്തുകയായിരുന്ന മണല്‍ പിടികൂടി.