കൊളത്തൂര്‍: ജലക്ഷാമം രൂക്ഷമായ സാഹചര്യത്തില്‍ കുന്തിപ്പുഴ ചെമ്മല കിളിക്കുന്ന് അമ്പലകടവില്‍ നിന്നും ഇന്നലെ അനധികൃതമായി മണലെടുപ്പിനു വേണ്ടി ഉപയോഗിച്ചിരുന്ന തോണി പിടികൂടി. പരിശോധനക്കെത്തിയ എസ്.ഐയെയും സംഘത്തേയും കണ്ടതോടെ തോണി വെള്ളത്തില്‍ താഴ്ത്തിയ ശേഷം മണലെടുപ്പുകാര്‍ രക്ഷപ്പെട്ടു.
തുടര്‍ന്ന് എസ്.ഐയും സംഘവും വെള്ളത്തിലേക്കിറങ്ങി. പിടികൂടിയ തോണി റവന്യൂ അധികൃതര്‍ക്ക് കൈമാറി. ജെ.സി.ബി വാഹനം ഉപയോഗിച്ച് നശിപ്പിച്ചു. കൊളത്തൂര്‍ എസ്.ഐ പി വിഷ്ണു, ബൈജു, മിഥുന്‍, കുര്യാകോസ്, എച്ച്.ജി സുനില്‍ സംഘത്തിലുണ്ടായിരുന്നത്.