പനമരം: പനമരം ബ്ലോക്ക് പഞ്ചായത്ത് ഉപതെരഞ്ഞെടുപ്പില്‍ സീറ്റ് നിലനിര്‍ത്തി യു.ഡി.എഫ്. യു.ഡി.എഫ് സ്ഥാനാര്‍ഥി മണി ഇയ്യമ്പം 110 വോട്ടുകള്‍ക്കാണ് വിജയിച്ചത്. വോട്ടെണ്ണല്‍ ഇന്ന് രാവിലെ ഒന്‍പതു മുതല്‍ പനമരം എല്‍.പി.സ്‌കൂളിലാണ് നടന്നത്. പത്തരയോടെ ഫലം അറിഞ്ഞു. കഴിഞ്ഞ തെരഞ്ഞെടുപ്പില്‍ യു.ഡി എഫ് സ്ഥാനാര്‍ഥിക്ക് 52 വോട്ടിന്റെ ഭൂരിപക്ഷമാണുണ്ടായിരുന്നത്. എന്നാല്‍ ഇതത്‌വണ ഭൂരിപക്ഷം ഇരട്ടിയായി വര്‍ധിപ്പിക്കാന്‍ യു.ഡി.എഫ് കേന്ദ്രങ്ങള്‍ക്കായി. അലൂര്‍കുന്ന്, മരകാവ്, പാക്കം, നീര്‍വാരം, ചെറുകാട്ടൂര്‍, അമ്മാനി എന്നീ വാര്‍ഡുകള്‍ ഉള്‍പെടുന്നതാണ് പാക്കം ഡിവിഷന്‍. ഡിവിഷന്‍ മെമ്പറായിരുന്ന യു.ഡി.എഫിന്റെ അര്‍ജുന്‍ കെ രാഘവന്‍ രാജി വെച്ച ഒഴിവിലേക്കാണ് തെരഞ്ഞെടുപ്പ് നടന്നത്.