മലപ്പുറം: മലപ്പുറം നഗരസഭയിലെ മാലിന്യപ്രശ്‌നം പരിഹരിക്കണമെന്നാവശ്യപ്പെട്ടു നാളെ രാവിലെ 10നു പ്രതിപക്ഷ കൗണ്‍സിലര്‍മാരുടെ നേതൃത്വത്തില്‍ നഗരസഭാ ഓഫിസ് മാര്‍ച്ചും ധര്‍ണയും സംഘടിപ്പിക്കും. ജില്ലാപഞ്ചായത്തംഗം അഡ്വ. റഷീദലി ഉദ്ഘാടനം ചെയ്യും.
വൈകിട്ട് മലപ്പുറം കെ.എസ്.ആര്‍.ടി.സി ഡിപ്പോ പരിസരത്തു സമാപന പൊതുയോഗം ചേരും. യോഗത്തില്‍ വി.പി അനില്‍, കെ. മജ്‌നു, പാലോളി കുഞ്ഞിമുഹമ്മദ്, കെ.വി ബാലകൃഷ്ണന്‍, പി. ഉമ്മര്‍, കെ.പി ഫൈസല്‍ പങ്കെടുക്കും.