ചുള്ളിയോട്: ആത്മീയ കാര്യങ്ങള്‍ വികലമാക്കുന്നതും വിശ്വാസം വഴി തെറ്റിക്കുന്നതുമായ പ്രവര്‍ത്തനങ്ങളും പ്രചാരണങ്ങളും നടത്തി സമുദായത്തില്‍ തെറ്റിദ്ധാരണകളും വിദ്വോഷങ്ങളും ഉണ്ടാക്കുന്ന പ്രവര്‍ത്തനങ്ങളില്‍ നിന്നും സമുദായത്തെ സംരക്ഷിക്കാന്‍ മഹല്ലു കമ്മിറ്റികള്‍ ജാഗ്രതരായിരിക്കണമെന്ന് സുന്നീ മഹല്ല് ഫെഡറേഷന്‍ നെന്മേനി പഞ്ചായത്ത് കണ്‍വന്‍ഷന്‍ അീഗീകരിച്ച പ്രമേയത്തിലൂടെ ആഹ്വാനം ചെയ്തു.
കണ്‍വന്‍ഷനില്‍ ചുള്ളിയോട് ഖത്തീബ് അമീര്‍ ബാഖവി അധ്യക്ഷനായി. എസ്.എം.എഫ് ജില്ലാ ജനറല്‍ സെക്രട്ടറി പി.സി ഇബ്രാഹിം ഹാജി ഉദ്ഘാടനം ചെയ്തു. ഉസ്മാന്‍ കാഞ്ഞായി വിഷയം അവതരിപ്പിച്ചു. ഹംസ ഫൈസി, ഉമര്‍ ഫൈസി, ഇസ്മാഈല്‍ ദാരിമി, സൈദലവി ഹാജി, ഉമര്‍ ഹാജി ചുള്ളിയോട് സംസാരിച്ചു.