ന്യൂഡല്‍ഹി: ഡല്‍ഹിയിലെ ഒരു എ.ടി.എമ്മില്‍ നിന്നും ലഭിച്ചത് 2000 രൂപയുടെ വ്യാജനോട്ട്. വെറും വ്യാജ നോട്ടല്ല, ചില്‍ഡ്രന്‍സ് ബാങ്കിന്റെ പേരില്‍ പുറത്തിറക്കിയ വ്യാജനോട്ടാണ് എസ്.ബി.ഐ എ.ടി.എമ്മില്‍ നിന്നും ലഭിച്ചിരിക്കുന്നത്. ഒറിജിനലുമായി നിറത്തിലോ രൂപത്തിലോ യാതൊരു വ്യത്യാസവും ഈ നോട്ടിനില്ല.

ഫെബ്രുവരി ആറിന് ഡല്‍ഹിയിലെ സംഗം വിഹാറിലെ എസ്.ബി.ടിയില്‍ നിന്നാണ് ഇത്തരത്തിലുള്ള നാലു നോട്ടുകള്‍ ഇടപാടുകാരന് ലഭിച്ചത്. കോള്‍ സെന്റര്‍ ജീവനക്കാരനായ രോഹിത് എന്ന യുവാവിനാണ് വ്യാജനോട്ടുകള്‍ ലഭിച്ചത്.

കുട്ടികളുടെ സര്‍ക്കാര്‍ ഉറപ്പുതരുന്ന പണം എന്നും ഈ നോട്ടില്‍ വിശേഷണമുണ്ട്. 000000 എന്നാണ് സീരിയല്‍ നമ്പര്‍ നല്‍കിയിരിക്കുന്നത്.

ഒറിജിനല്‍ നോട്ടും ലഭിച്ച വ്യാജ നോട്ടും തമ്മിലുള്ള വ്യത്യാസങ്ങള്‍

1. ഭാരതീയ റിസര്‍വ് ബാങ്കിന് പകരം ഭാരതീയ മനോരജ്ഞന്‍ ബാങ്ക്
2. സീരിയല്‍ നമ്പര്‍000000
3. റുപി മുദ്ര ഇല്ല
4. ആര്‍ബിഐ സീലിന് പകരം പികെ ലോഗോ
5. രണ്ടായിരം രൂപയ്ക്ക് തുല്യമായ മൂല്യം നല്‍കുമെന്ന ഗവര്‍ണറുടെ ഉറപ്പിന് പകരം രണ്ടായിരം രൂപയ്ക്ക് തുല്യമായ കൂപ്പണ്‍ നല്‍കുമെന്ന ഉറപ്പ്
6. ഗവര്‍ണറുടെ ഒപ്പില്ല
7. അശോക സ്തംഭത്തിന് പകരം ചുരാന്‍ ലേബിള്‍

സംഭവത്തില്‍ സംഘം വിഹാര്‍ പൊലിസ് കേസെടുത്തിട്ടുണ്ട്.