ക്വലാലംപൂര്‍: രണ്ടുവര്‍ഷത്തെ ഭരണത്തിനുശേഷം മലേഷ്യന്‍ രാജാവ് മുഹമ്മദ് അഞ്ചാമന്‍ രാജിവച്ചു. ഭരണ കാലാവധി കഴിയാന്‍ ഇനിയും സമയമിരിക്കെ കാരണം വ്യക്തമാക്കാതെയാണ് 49കാരനായ അദ്ദേഹത്തിന്റെ രാജി. മലേഷ്യയില്‍ കാലാവധി പൂര്‍ത്തിയാക്കാതെ ഒരു രാജാവ് സ്ഥാനമൊഴിയുന്നത് ഇതാദ്യമാണ്.
അദ്ദേഹത്തിന്റെ രാജി ഇന്നലെ മുതല്‍ തന്നെ നിലവില്‍വന്നിട്ടുണ്ട്. 2016ല്‍ അധികാരത്തിലേറിയ അദ്ദേഹം, കഴിഞ്ഞ നവംബര്‍ മുതല്‍ ചികിത്സാ ആവശ്യാര്‍ഥം അവധിയെടുത്തിരുന്നു. തന്റെ ഭരണകാലത്ത് പിന്തുണ നല്‍കിയ ജനങ്ങള്‍ക്കും ഉദ്യോഗസ്ഥര്‍ക്കും സര്‍ക്കാരിനും നന്ദിയറിയിച്ചാണ് രാജാവിന്റെ രാജിക്കത്ത്. മലേഷ്യയില്‍ രാജകുടുംബങ്ങള്‍ക്കിടയില്‍ നടക്കുന്ന വോട്ടെടുപ്പിലൂടെയാണ് രാജാവിനെ തെരഞ്ഞെടുക്കുന്നത്.