കാബൂള്‍: അഫ്ഗാനിസ്ഥാനില്‍ സ്വര്‍ണഖനിയിലുണ്ടായ അപകടത്തില്‍ മുപ്പതിലേറെ പേര്‍ കൊല്ലപ്പെട്ടു. ഏഴ് പേര്‍ക്ക് പരുക്കേറ്റു. വടക്കുകിഴക്കന്‍ അഫ്ഗാനിലെ കൊഹിസ്താന്‍ ജില്ലയിലെ ബദക്ഷന്‍ പ്രവിശ്യയിലാണ് അപകടമുണ്ടായത്.
60 മീറ്റര്‍ ആഴമുള്ള ഖനിയാണ് ഇടിഞ്ഞുവീണത്. ഖനി ഇടിഞ്ഞുവീഴാനുള്ള കാരണം വ്യക്തമല്ല. എന്നാല്‍ ഖനിയില്‍ ജോലി ചെയ്ത് പരിചയമുള്ളവരല്ല ഇവിടെ കുഴിച്ചിരുന്നതെന്നാണ് അധികൃതര്‍ വ്യക്തമാക്കുന്നത്.