കോഴിക്കോട്: ന്യൂതന ഓഫ്‌സൈറ്റ് സാങ്കേതികവിദ്യാ നിര്‍മാണ രംഗത്ത് യു.എ.ഇ കേന്ദ്രമായി പ്രവര്‍ത്തിക്കുന്ന മള്‍ട്ടി നാഷനല്‍ കമ്പനിയായ കെഫ് ഹോള്‍ഡിങ്ങ്‌സിന് ഗള്‍ഫ് സസ്‌റ്റൈനബിലിറ്റി ആന്‍ഡ് സി.എസ്.ആര്‍ അവാര്‍ഡ് ഫോര്‍ ട്രാന്‍സഫര്‍മേറ്റീവ് ലേണിങ് ആന്‍ഡ് എഡ്യുക്കേഷന്‍ അവാര്‍ഡ് ലഭിച്ചു.
ഫൈസല്‍ ആന്‍ഡ് ഷബാന ഫൗണ്ടേഷനുമായി ചേര്‍ന്ന് നടക്കാവ് സ്‌കൂളില്‍ നടത്തിയ പ്രവര്‍ത്തനങ്ങള്‍ക്കാണ് അന്തര്‍ദേശീയ അംഗീകാരം ലഭിച്ചത്. ഇന്ത്യയിലെ വിദ്യാഭ്യാസ മേഖലയുടെ വികസനത്തിന് നല്‍കിയ സംഭാവന മുന്‍നിര്‍ത്തിയാണ് അവാര്‍ഡ്.
ഫൈസല്‍ ആന്‍ഡ് ഷബാന ഫൗണ്ടേഷനുമായി ചേര്‍ന്ന് നടക്കാവ് ഗേള്‍സ് വൊക്കേഷനല്‍ ഹയര്‍ സെക്കന്‍ഡറി സ്‌കൂള്‍ നവീകരിക്കുക വഴി ആയിരക്കണക്കിന് വിദ്യാര്‍ഥിനികള്‍ക്ക് മികച്ച വിദ്യാഭ്യാസ സാഹചര്യം ഒരുക്കികൊടുത്തതിനാണ് അവാര്‍ഡ്.
കൂടാതെ 65 സ്‌കൂളുകള്‍ കൂടി കമ്പനി എറ്റെടുക്കുയും ചെയ്തിട്ടുണ്ട്. 15ന് ദുബൈയിലെ താന്‍ഡീഫിന്റെ മാനേജിങ് ഡയറക്ടര്‍ മുഹമ്മദ് അലി ഹൂസൈന്‍ ആണ് അവാര്‍ഡ് പ്രഖ്യാപിച്ചത്.