കോഴിക്കോട്: കൊയിലാണ്ടിയില്‍ സി.പി.എം ബി.ജെ.പി നേതാക്കളുടെ വീടിനു നേരെ ബോംബേറ്. സി.പി.എം നഗരസഭ കൗണ്‍സിലര്‍ ഷിജുവിന്റെ വീടിനുനേരെയും ബി.ജെ.പി നിയോജക മണ്ഡലം സെക്രട്ടറി മുകുന്ദന്റെ വീടിനു നേരെയും ബോംബേറുണ്ടായി.

വെളുപ്പിന് മൂന്നിനാണ് സി.പി.എം നേതാവിന്റെ വീടിനുനേരെ ബോംബേറുണ്ടാവുന്നത്. തുടര്‍ന്ന അഞ്ചു മണിക്ക് മുകുന്ദന്റെ വീടിനു നേരെയും ബോംബേറുണ്ടായി. വീടിന്റെ ജനാലച്ചില്ലുകളും വാതിലുകളും തകര്‍ന്നു. രണ്ട് സംഭവങ്ങളിലും ആര്‍ക്കും പരിക്കില്ല.

കൊയിലാണ്ടിയില്‍ കഴിഞ്ഞ രണ്ട് ദിവസങ്ങളില്‍ ബോംബേറുണ്ടായിരുന്നു. സംഭവങ്ങളില്‍ ആരെയും ഇതുവരെ പൊലിസിന് അറസ്റ്റ് ചെയ്തിട്ടില്ല.