ചേര്‍ത്തല: സാന്ത്വനം പെയിന്‍ ആന്‍ഡ് പാലിയേറ്റീവ് സൊസൈറ്റി ചേര്‍ത്തല ഏരിയ ഗവേണിങ് കൗണ്‍സിലും ഉപദേശക സമിതിയും രൂപീകരിച്ചു. 'സ്‌നേഹതീരം' ചെയര്‍മാന്‍ സജി ചെറിയാന്‍ ആലോചനാ യോഗം ഉദ്ഘാടനം ചെയ്തു.
'സാന്ത്വനം' ചെയര്‍മാന്‍ കെ.രാജപ്പന്‍ നായര്‍ അധ്യക്ഷനായി. ഡോ. ജോസഫ് ജോസഫ്, ഡോ. പി.വിജയകുമാര്‍, ഡോ. ധീവര്‍ പ്രഹ്‌ളാദന്‍, എന്‍.ആര്‍. ബാബുരാജ്, ഒ.സി വക്കച്ചന്‍, വി.എം. ബാബു, കെ.പി.പ്രതാപന്‍, കെ.എം സുകുമാരന്‍ എന്നിവര്‍ പ്രസംഗിച്ചു. രോഗബാധിതരായി കിടപ്പിലായവരെയും നിരാലംബരും നിരാശ്രയരുമായവരെയും സഹായിക്കുന്നതിനും പരിചരിക്കുന്നതിനും സേവന സന്നദ്ധരായ സുമനസുകളുടെ കൂട്ടായ്മയാണ് 'സാന്ത്വനം'. ഗവേണിങ് കൗണ്‍സില്‍ കെ. രാജപ്പന്‍ നായര്‍ ചെയര്‍മാനും കെ. പി.പ്രതാപന്‍ കണ്‍വീനറുമായുള്ള സംഘമാണ് ഇത് നയിക്കുന്നത്.