കായംകുളം: റമദാന്റെ വസന്തവും റയ്യാന്റെ സുഗന്ധവും എന്ന വിഷയത്തെ ആസ്പദമാക്കി നാളെ വൈകിട്ട് മൂന്ന് മുതല്‍ ആറ് മണി വരെ ഷഹിദാര്‍ ജുമാ മസ്ജിദിന് സമീപം നടക്കും. റമദാന്‍ പ്രഭാഷണത്തിന്റെ ഉദ്ഘാടനം ജമാഅത്ത് പ്രസിഡന്റ് പാപ്പാടിയില്‍ പി.എം ഷംസുദ്ദീന്‍ നിര്‍വ്വഹിക്കും.
ഖുര്‍ആന്‍ സ്റ്റഡി സെന്റര്‍ കായംകുളത്തിന്റെ ചെയര്‍മാന്‍ കെ. ജലാലുദ്ദീന്‍ മൗലവി അധ്യക്ഷത വഹിക്കും. ദക്ഷിണ കേരള ജംഇയ്യത്തുല്‍ ഉലമയുടെയും കേരള മുസ്‌ലിം ജമാഅത്ത് ഫെഡറേഷന്റെയും ഖുര്‍ആന്‍ സ്റ്റഡീസെന്ററിന്റെയും സജീവ പ്രവര്‍ത്തകനായിരുന്നു മര്‍ഹൂം ഇ.എം. ഹുസൈന്‍ സാഹിബ് അനുസ്മരണത്തില്‍ പ്രമുഖ ഇസ്‌ലാമിക പണ്ഡിതന്‍ മുഹമ്മദ് ഷാഫി മൗലവി  മുഖ്യ പ്രഭാഷണം നടത്തും.
താജുദ്ദീന് ബാഖവി, അബ്ദുല്‍ഷുക്കൂര്‍ മൗലവി അല്‍ ഖാസിമി, ഉബൈസ് സൈനുലാബ്ദീന്‍ തുടങ്ങിയ പ്രമുഖര്‍ പങ്കെടുക്കും.