കൊടുങ്ങല്ലൂര്‍: യുവാവിനെ അക്രമിച്ച കേസില്‍ നാലുപേരെ പൊലിസ് അറസ്റ്റു ചെയ്തു. വെമ്പല്ലൂര്‍ സ്വദേശികളായ കൈതകാട്ടില്‍ അക്ഷയ് (22), കൈതകാട്ടില്‍ രാഹുല്‍ (22), പപ്പറമ്പില്‍ സുമേഷ് (22), കാട്ടില്‍ സുബിന്‍ (22) എന്നിവരെയാണ് എസ്.ഐ എ.മുകുന്ദന്‍ അറസ്റ്റു ചെയ്തത്.
പുതുവര്‍ഷാഘോഷത്തിനിടയില്‍ എടവിലങ്ങിലെ കാര പഞ്ചായത്ത് കുളം പരിസരത്ത് പുന്നിലത്ത് അബ്ദുള്‍ കരീം മകന്‍ മുഹമ്മദ് റിഷാന്‍ (27) നെ വീടിനു മുന്നില്‍ വച്ച് മര്‍ദിക്കുകയും വീടിന്റെ ജനല്‍ചില്ലുകളും കാറിന്റെ ഗ്ലാസും തല്ലിതകര്‍ക്കുകയും ചെയ്ത കേസിലാണ് അറസ്റ്റ്.
കോടതിയില്‍ ഹാജരാക്കിയ പ്രതികളെ 14 ദിവസത്തേക്ക് റിമാന്‍ഡ് ചെയ്തു.