ഗൂഡല്ലൂര്‍: പൊങ്കലിനോടനുന്ധിച്ച് തമിഴാനാട് സര്‍ക്കാര്‍ നല്‍കുന്ന പൊങ്കല്‍ കിറ്റ് നീലഗിരിയില്‍ 2, 11,349 പേര്‍ക്ക് ലഭിക്കും.
റേഷന്‍ കാര്‍ഡ് ഉടമകള്‍ക്കാണ് സൗജന്യ പൊങ്കല്‍ കിറ്റും ആയിരം രൂപയും ലഭിക്കുക. ഇതിന്റെ വിതരണം ജില്ലയില്‍ ആരംഭിച്ചു. രണ്ട് കോടി അറുപത്തിയേഴു ലക്ഷത്തിനാല്‍പ്പത്തി ആറായിരത്തി ഇരുനൂറ്റി പതിനഞ്ച് രൂപയാണ് പൊങ്കല്‍ കിറ്റിനായി ജില്ലയില്‍ ചെലവു വരിക. പതിമൂന്ന് ലക്ഷത്തിനാല്‍പത്തി ഒമ്പതിനായിരം രൂപ കാര്‍ഡുടമകള്‍ക്ക് ആയിരം രൂപ വീതം നല്‍കാനും ചെലവഴിക്കും. റേഷന്‍ കടകളില്‍ രാവിലെ 8.30 മുതല്‍ 12.30 വരെയും ഉച്ചക്ക് 1.30 മുതല്‍ അഞ്ച് മണി വരെയും പൊങ്കല്‍ വിതരണം ചെയ്യും.