കൊല്ലം: ബൈപ്പാസ് ഉദ്ഘാടനം വൈകുന്നതിനെച്ചൊല്ലിയുള്ള വിവാദത്തിനിടെ ബൈപ്പാസ് ഉദ്ഘാടനത്തിന് പ്രധാനമന്ത്രി എത്തുമെന്ന് സ്ഥിരീകരണം. 15ന് കേരളത്തിലെത്തുന്ന മോദി ബൈപ്പാസ് ഉദ്ഘാടനം ചെയ്യുമെന്ന് എന്‍.കെ. പ്രേമചന്ദ്രന്‍ എം.പിയുടെ ഓഫീസിനെയും രേഖാമൂലം അറിയിച്ചതായാണ് വിവരം.

ബൈപ്പാസ് യാഥാര്‍ഥ്യമാക്കിയതിന്റെ മികവ് അവകാശപ്പെട്ട് യു.ഡി.എഫും, എല്‍.ഡി.എഫും പോരടിക്കുന്നതിനിടെയാണ് പ്രധാനമന്ത്രിയുടെ വരവ്.

കൊല്ലം ബൈപാസ് ഉദ്ഘാടനം രാഷ്ട്രീയ വിവാദമാകുന്നു; സംസ്ഥാന സര്‍ക്കാരിന്റെ ഭരണനേട്ടമെന്ന് ഇടതുജനപ്രതിനിധികള്‍

കൊല്ലം ബൈപാസ് ഫെബ്രുവരി രണ്ടിന് മുഖ്യമന്ത്രി ഉദ്ഘാടനം ചെയ്യുമെന്നും കൊല്ലം ബൈപാസ് സമയബന്ധിതമായി പൂര്‍ത്തീകരിച്ചത് സംസ്ഥാന സര്‍ക്കാരിന്റെ നേട്ടമാണെന്നും റോഡ് ഇടതുപക്ഷ പ്രതിനിധികളായ കടന്നുപോകുന്ന സ്ഥലങ്ങളിലെ എം.എല്‍.എമാരും കോര്‍പറേഷന്‍ മേയറും കഴിഞ്ഞ ദിവസം വാര്‍ത്താസമ്മേളനത്തില്‍ അറിയിച്ചിരുന്നു.

ബൈപാസിന്റെ ഇരുവശങ്ങളിലും ലൈറ്റുകള്‍ സ്ഥാപിക്കാനും റോഡ് സുരക്ഷാനിയമം അനുശാസിക്കുന്ന സിഗ്‌നല്‍ സംവിധാനമുണ്ടാക്കാനും മന്ത്രി ജി.സുധാകരന്‍ ബന്ധപ്പെട്ടവര്‍ക്ക് നിര്‍ദേശവും നല്‍കിയിട്ടുണ്ട്. ഈമാസം തന്നെ നിര്‍മാണത്തിന്റെ അവസാന മിനുക്കുപണികളും പൂര്‍ത്തിയാകുമെന്നും ദേശീയപാത ചീഫ് എന്‍ജിനീയര്‍ മന്ത്രിയെ അറിയിച്ചിരുന്നു.