ചെന്നൈ: വ്യോമസേന നടത്തിയ അഭ്യാസ പ്രകടനം കാണാന്‍ മറീനാ ബീച്ചിലെത്തിയ മൂന്നുപേര്‍ മരിച്ചു. മരണകാരണം സൂര്യാഘാതമെന്നാണ് പ്രാഥമിക നിഗമനം.

92ാമത് വ്യോമസേനാ ദിനാഘോഷത്തിന്റെ ഭാഗമായാണ് മറീന ബീച്ചില്‍ വ്യോമാഭ്യാസ പ്രകടനങ്ങള്‍ സംഘടിപ്പിച്ചത്. രാവിലെ 11 മണിയോടെ കുടുംബങ്ങളടക്കം നിരവധി പേര്‍ അഭ്യാസ പ്രകടനങ്ങള്‍ കാണാനെത്തിയിരുന്നു. കനത്ത ചൂടില്‍ കുടയും ചൂടിയാണ് ഒട്ടുമിക്കയാളുകളും നിന്നിരുന്നത, ഇതിനിടെയാണ് മൂന്നുപേര്‍ മരിച്ചതെന്നാണ് റിപ്പോര്‍ട്ട്.

സ്‌പെഷ്യല്‍ ഗരുഡ് ഫോഴ്‌സ് കമാന്‍ഡോകളുടെ രക്ഷാപ്രവര്‍ത്തനത്തിന്റെയും ബന്ദികളെ മോചിപ്പിക്കുന്നതിന്റേയും പ്രത്യേക പ്രകടനവും എയര്‍ ഷോയില്‍ ഉള്‍പ്പെടുത്തിയിരുന്നു.

Tragedy strikes at Chennai air show as three spectators succumb to sunstroke while watching Indian Air Force's aerial display amidst sweltering heat.