മാഡ്രിഡ്: സ്പാനിഷ് ലാ ലിഗയില്‍ ഒന്നാം സ്ഥാനത്തുള്ള റയല്‍ മാഡ്രിഡിനു സീസണിലെ രണ്ടാം തോല്‍വി. വലന്‍സിയ 2-1നു റയലിനെ അട്ടിമറിച്ചു. ആദ്യ പത്തു മിനുട്ടിനുള്ളില്‍ തന്നെ രണ്ടു ഗോളുകള്‍ നേടി റയലിനെ ഞെട്ടിക്കാന്‍ വലന്‍സിയക്ക് സാധിച്ചു. ആദ്യ പകുതി തീരാന്‍ നിമിഷങ്ങള്‍ മാത്രമുള്ളപ്പോള്‍ ക്രസ്റ്റ്യാനോ റൊണാള്‍ഡോ റയലിന്റെ ആശ്വാസ ഗോള്‍ നേടി. തോറ്റെങ്കിലും റയലിന്റെ ഒന്നാം സ്ഥാനത്തിനു ഇളക്കം വന്നില്ല.