കല്‍പ്പറ്റ: പൗരത്വ ഭേദഗതി വിഷയത്തില്‍ സര്‍ക്കാരിനെ വിരട്ടാമെന്ന് ആരും കരുതേണ്ടെന്ന് നിയമമന്ത്രി എ.കെ ബാലന്‍. കേരളത്തില്‍ മുന്‍പ് 3 തവണ കേന്ദ്ര നിയമത്തിന് എതിരെ പ്രമേയം പാസാക്കിയിട്ടുണ്ട്. വിഷയത്തില്‍ അവസാന തീരുമാനം സുപ്രിംകോടതിയുടേയതാണ്. രാജ്യത്തെ ദളിതുകളെയും ന്യൂന പക്ഷങ്ങളെയും കൊണസന്‍ട്രേഷന്‍ ക്യാമ്പുകളില്‍ അടയ്ക്കാം എന്നു ആരും കരുതണ്ടെന്നും എ.കെ ബാലന്‍ കല്‍പ്പറ്റയില്‍ പറഞ്ഞു.

ഗവര്‍ണറുമായി വ്യക്തിപരമായി ഒരു തര്‍ക്കവും ഇല്ല. ഗവര്‍ണര്‍ സംസാരിക്കുന്നത് ഗവര്‍ണര്‍ക്ക് ലഭിച നിയമോപദേശത്തിന്റെ അടിസ്ഥാനത്തിലാണ്. സംസ്ഥാനത്ത് ഭരണഘടനാ പ്രതിസന്ധിയില്ല. സംസ്ഥാനത്ത് നിയമം നടപ്പാക്കേണ്ടത് മുഖ്യന്ത്രിയുടെ തീരുമാനമനുസരിച്ചാണ്.

ഇന്ന് ഹിന്ദു പത്രത്തില്‍ മുന്‍ ഗവര്‍ണര്‍ സദാശിവം എഴുതിയ ലേഖനത്തില്‍ സര്‍ക്കാര്‍ നടപടിയെ അനുകൂലിക്കുന്നുണ്ട്. സര്‍ക്കാരിനെയും പാര്‍ട്ടിയെയും ആരും ഭീഷണിപ്പെടുത്താം എന്നു കരുതണ്ടെന്നും അദ്ദേഹം പറഞ്ഞു.