ഹൈദരാബാദ്: രാജ്യത്ത് നടപ്പാക്കേണ്ടത് പൗരത്വ രജിസ്റ്ററല്ലെന്നും തൊഴിലില്ലാത്ത യുവാക്കളുടെയും വിദ്യാഭ്യാസം ലഭിക്കാത്ത കുട്ടികളുടെയും കണക്കെടുപ്പാണ് നടക്കേണ്ടതെന്നും നടന്‍ പ്രകാശ് രാജ്. പൗരത്വ ഭേദഗതി നിയമം, എന്‍.പി.ആര്‍, എന്‍.ആര്‍.സി എന്നിവയ്‌ക്കെതിരേ ഹൈദരാബാദില്‍ നടന്ന പ്രതിഷേധ സംഗമത്തില്‍ സംസാരിക്കുകയായിരുന്നു അദ്ദേഹം.
ഈ രാജ്യം എല്ലാവരുടേതുമാണ്. ഞങ്ങള്‍ക്ക് 3000 കോടിയുടെ പ്രതിമയല്ല വേണ്ടത്, ഒരു ദേശീയ രജിസ്റ്റര്‍ ഉണ്ടാക്കുന്നുവെങ്കില്‍ അത് തൊഴിലില്ലാത്ത യുവാക്കളുടെയും വിദ്യാഭ്യാസം ലഭിക്കാത്ത കുട്ടികളുടെയും കണക്കെടുക്കുന്നതായിരിക്കണം.
കാര്‍ഗില്‍ യുദ്ധത്തില്‍ പങ്കെടുത്തവര്‍ക്ക് പോലും മുസ്‌ലിമായതിന്റെ പേരിലാണ് അസമില്‍ പൗരത്വം നിഷേധിക്കപ്പെട്ടതെന്ന് അദ്ദേഹം ആരോപിച്ചു.