മെല്‍ബണ്‍: ആസ്‌ത്രേലിയന്‍ ഓപ്പണില്‍ നിലവിലെ ലോക രണ്ടാം നമ്പര്‍ താരം സെര്‍ബിയയുടെ നൊവാക് ദ്യോക്കോവിച്ചുമായി എതിരിടാമെന്ന ഇന്ത്യന്‍ ടോപ് താരം പ്രജ്‌നേഷ് ഗുണേഷരന്റെ മോഹം അസ്തമിച്ചു. തിങ്കളാഴ്ച നടക്കേണ്ടിയിരുന്ന താരത്തിന്റെ മത്സരം ഇന്നലത്തേക്ക് മാറ്റിവച്ചപ്പോള്‍ മത്സരത്തിനൊടുവിലെ പരാജയമാണ് താരത്തിന് വിനയായത്. ലോക 122ാം നമ്പര്‍ താരം ജപ്പാന്റെ താറ്റ്‌സുമോ ഇത്തോയോടാണ് താരം പരാജയപ്പെട്ടത്. സ്‌കോര്‍ 4-6, 2-6, 5-7. യോഗ്യതാ റൗണ്ടിലെ ഭാഗ്യവാനായി ആസ്‌ത്രേലിയന്‍ ഓപ്പണിനെത്തിയ പ്രജ്‌നേഷിന് പ്രതീക്ഷിച്ച പ്രകടനം പുറത്തെടുക്കാനായില്ല. മൂന്നാം സെറ്റില്‍ മാത്രമാണ് ഇന്ത്യന്‍താരം പൊരുതിയത്.