കൊച്ചി: കേരള പൊലിസിന്റെ റോഡ് സുരക്ഷ ബോധവത്ക്കരണ പരിപാടിയായ ശുഭയാത്രയുടെ ഭാഗമായി 2017 ജനുവരി ആറ് മുതല്‍ പത്ത് വരെ എറണാകുളം മറൈന്‍ഡ്രൈവില്‍ നടത്തുന്ന എക്‌സിബിഷനോടനുബന്ധിച്ച് കൊച്ചി സിറ്റി പരിധിയിലുള്ള എന്‍ജിനീയറിങ് വിദ്യാര്‍ഥികള്‍ക്കായി റോഡ് സുരക്ഷ ഓഡിറ്റ് മത്സരം സംഘടിപ്പിക്കുന്നു.
എറണാകുളം കണ്ടെയ്‌നര്‍ റോഡില്‍ ചേരാനെല്ലൂര്‍ ജങ്ഷന്‍ മുതല്‍ എറണാകുളം ഹൈക്കോര്‍ട്ട് ജങ്ഷന്‍ വരെയുള്ള റോഡ് അപകടരഹിത റോഡ് ആക്കുന്നതിനായി കൈക്കൊള്ളേണ്ട മാര്‍ഗങ്ങള്‍ സംബന്ധിച്ച് പഠനം നടത്തി റിപ്പോര്‍ട്ട് പവര്‍ പോയിന്റ് പ്രസന്റേഷന്‍ ആയി തയ്യാറാക്കി എക്‌സിബിഷന്‍ വേദിയിലുള്ള ജഡ്ജിങ് പാനല്‍ മുന്‍പാകെ മാര്‍ച്ച് മൂന്നിന് വൈകിട്ട് നാലിന് മുമ്പായി അവതരിപ്പിക്കേണ്ടതാണ്.
മികച്ച റിപ്പോര്‍ട്ടിന് സിറ്റി പൊലിസിന്റെ പുരസ്‌ക്കാരം നല്‍കുന്നതാണ്.
മത്സരത്തില്‍ പങ്കെടുക്കുവാന്‍ താല്‍പര്യമുള്ളവര്‍ ബന്ധപ്പെടുക: 7559899100, 9497980450.