കോഴിക്കോട്: ഓൾ കേരള ഡെന്റൽ ലാബ് ഓണേഴ്സ് അസോസിയേഷൻ മൂന്നാമത് സംസ്ഥാന സമ്മേളനം 26 ന് മലപ്പുറത്ത്. പുലാമന്തോൾ എമറാൾഡ് റിസോർട്ടിൽ കാലത്ത് 10 ന് ആരംഭിക്കുന്ന സമ്മേളനം മഞ്ഞളാം കുഴി അലി എം. എൽ. എ ഉദ്ഘാടനം നിർവ്വഹിക്കും.

കേരളത്തിൽ അഞ്ഞൂറോളം കൃത്രിമ ദന്ത ലാബുകളിലായി അമ്പതിനായിരത്തിലധികം തൊഴിലാളികൾ ജോലി ചെയ്യുന്നുണ്ടെന്നും ആരോഗ്യരംഗത്തെ മറ്റു മേഖലകളിൽ പ്രവർത്തിക്കുന്നവർക്ക് ലഭിക്കുന്ന അംഗീകാരമോ പരിഗണനയോ സർക്കാർ തലത്തിൽ ഈ സംഘടനയ്ക്ക് ലയിക്കുന്നില്ലെന്നും മെഡിക്കൽ ലാബുകളെ പോലെ ഡെന്റൽ ലാബുകളെയും ജി. എസ്. ടി യു ടെ പരിധിയിൽ നിന്ന് ഒഴിവാക്കണമെന്നും ഭാരവാഹികളായ ശ്രീനിവാസൻ കരുണാകരനും മൻസൂർ ചെട്ടിപ്പടിയും ജയേഷ് കെ .സി യും സി .ടി ഹംസയും അറിയിച്ചു.