തൊടുപുഴ: മോഷണം പോയ വൈദ്യുതി ബോര്‍ഡ് സ്ബ് എഞ്ചിനീയറുടെ ബൈക്കുമായി വിദ്യാര്‍ഥികള്‍ പിടിയില്‍.
തൊടുപുഴ നമ്പര്‍ 2 സെക്ഷന്‍ ഓഫിസിലെ സബ് എഞ്ചിനീയര്‍ കാഞ്ഞാര്‍ ചെമ്മംപ്ലാക്കല്‍ സന്തോഷ് തോമസിന്റെ ബൈക്കാണ് വ്യാഴാഴ്ച മുതലക്കോടത്തുനിന്നും മോഷണം പോയത്.
തുടര്‍ന്ന് തൊടുപുഴ പൊലിസില്‍ പരാതി നല്‍കിയിരുന്നു.
പൊലിസിന്റെ അന്വേഷണത്തില്‍ ഇന്നലെ ഉച്ചയോടെ കല്ലാനിക്കല്‍ സ്‌കൂളിന്റെ മുന്‍ വശത്തെ റോഡില്‍ നിന്ന് വിദ്യാര്‍ഥികളെ ബൈക്കുമായി പിടികൂടുകയായിരുന്നു.
കുട്ടികളെ ജുവനൈല്‍ ബോര്‍ഡിന്റെ മുന്നില്‍ ഹാജാരാക്കിയതിനു ശേഷം മാതാപിതാക്കളോടപ്പം വിട്ടയച്ചു.
മുതലക്കോടത്ത് റോഡരികില്‍ നിര്‍ത്തിയിട്ട ശേഷം ട്രാന്‍സ്‌ഫോര്‍മര്‍ മാറ്റി സ്ഥാപിക്കുന്നതിനായി പോയ സമയത്തണ് ബൈക്ക് മോഷ്ടിച്ചത്.
റോഡരികില്‍ എതിര്‍വശത്തായിരുന്നു ബൈക്ക് നിര്‍ത്തിയിട്ടത്.തൊട്ടടുത്തായിരുന്നതിനാല്‍ ബൈക്കില്‍ നിന്നും താക്കോല്‍ എടുത്തിരുന്നില്ല.