തൊടുപുഴ: നഗരമധ്യത്തിലെ കെ.എസ്.ആര്‍.ടി.സി. യുടെ പുതി മന്ദിരത്തിന് സമീപം പുഴയരികില്‍ നിന്ന് പെരുമ്പാമ്പിനെ പിടികൂടി.
ഇന്നലെ ഉച്ചകഴിഞ്ഞ് മൂന്ന് മണിയോടെ ഈ ഭാഗത്ത് പുല്ല് ചെത്താന്‍ എത്തിയ ഒളമറ്റം ചെമ്പമംഗലത്ത് ഷാജിയാണ് പെരുമ്പാമ്പിനെ കണ്ടത്. വിവരം വനംവകുപ്പ് ഉദ്യോഗസ്ഥരെ അറിയിച്ചതിനെ തുടര്‍ന്ന് മുട്ടം ഓഫീസില്‍ നിന്ന് ബീറ്റ് ഫോറസ്റ്റ് ഓഫീസര്‍ വി.എസ് ഷിബുവിന്റെ നേതൃത്വത്തില്‍ വനപാലകരെത്തി പെരുമ്പാമ്പിനെ പിടികൂടി. പത്തു കിലോയോളം വരുന്ന പാമ്പിനെ ഉടുമ്പന്നൂര്‍ വേളൂര്‍ വനത്തില്‍ തുറന്നു വിടുമെന്ന് ഉദ്യോഗസ്ഥര്‍ അറിയിച്ചു.